【策展論述】

解嚴以後，台灣个社會開始產生大轉變，族裔意識乜緊來緊旺盛。這時興起个「客家族群運動」，帶動等客家个研究、政策，還有媒體傳播乜一步步落實。學校乜開始設立客家相關个學院，文化傳承就進入到制度化个階段。恁多年來，台灣社會對多元文化个包容認同緊來緊提升，無論政府抑係民間，都用心來推展。到2001年，政府設立了「客家委員會」，負責統籌全國性个客家政策事務，希望能提振客家个歷史、語言同文化。近年更加係朝向「在地化」、「本土化」个方向來建構典範，展現出台灣多元共融个精神。

「客家」這个詞，原本毋單淨係指族裔个身分，其實早期係語言群體个外來稱呼。到包尾，這个詞慢慢變成一種文化概念——代表一種生活方式、精神特質。「客家性」講起來，包括了樂觀、勤奮、儉樸、團結、擅長適應環境等特質。客家人个內部凝聚nenˇ qi力強，自我認同乜明確。自明末清初以來，客家人移民台灣到今這下既經三四百年，分布全台各地。南部以六堆為主，北部以桃竹苗盡多。靠等這份堅韌个「硬頸精神」，客家人腳跡遍佈全球，形成hinˇ siinˇ流動、跨界个族群網絡kuaˊ gie ge cug kiunˇ miongˋ log

客家个物質文化有盡多特色。比將講，食物上有鹹菜鴨、擂茶；大襟衫係衫褲个代表；建築上有五鳳樓、圍龍屋。這兜係生活智慧个表現。精神文化方面乜共樣恁豐富，宗教信仰有三山國王、祭祀上个義民爺廟、家族中个宗族制度，還有音樂上个客家山歌，都係耳熟能詳个文化象徵。客家个民間工藝乜當出名，像油紙遮仔、花布、纏花、美濃窯、瓠藝等，充滿地方風情，乜展現原鄉个巧思。這兜題材輒輒成為文學、藝術創作个靈感來源，

喚起fon hiˋ人對祖先生活个記憶，強化个族裔身分認同。

在台灣新文學運動个百年歷程中，其實客家作家一直都在扮演ban ienˊ重要角色。到1980年代，本土意識興起，「客家文學」逐漸分大眾看著，母語文學同「客家性」變成熱門話題，慢慢建立了自己个文化位置同內容。美術方面，隨等現代化發展，繪畫、雕塑、攝影成為主流藝術形式。客家籍个藝術家從戰前到當代都有出色表現，有兜甚至揚名海外。解嚴以後，更多創作者開始挖出來「客家精神」同「客家意象」，透過作品展現世代間意識i siidˋ个轉變。

　策展人為著愛展現客家文藝作品个創作力量同族裔特色，特別運用「雙關語」摎「生活用語」做為發想个來源。主標題「話客」、「畫客」，採取 Hakka 个諧音，意思係講用「話」（文學）、「畫」（藝術）這兩種方式，來表達、再現，還有詮釋qionˇ siidˋ客家文化个特質、族群个生命故事，同地方个美學意識。副標題「湊陣」係𠊎兜客家人平常會講个話，意思有結伴、共下創作、同心協力等等个意思。來表現客家人團結樸實个精神，體現出客家人堅強、樸實、又親切團結个社群力量，還有屬於客家人个主體精神。結伴共下。

　這擺展覽係頭一擺以「客家」做為主題，邀請詹冰、鍾舜文、程仁珮、致穎四位創作者，共下展出。無論係土地、環境、季節、家族、產業、勞動、飲食，抑係人力輸出同海外个離散現象，透過全球化个快速變動，還較看得出客家人對「親情、人情、物情」同「天地之情」个重視，這種情感體現出一種集體个信念，摎屬於客家人特有个價值觀。

總講來講，這擺策展个理念有三項主要个核心：

（一）係愛展現客家文藝創作个族裔特性，同佢背後深厚个人文脈絡；

（二）係發覺仰般跨越世代kuaˊ ied sii toi、媒材、地域，去呈現多元个創作視角；

（三）係愛表現出在國際移動个語境下，還會記得本土、回歸故鄉，講出屬於客家人動人个故事。